بحث هذه المدونة الإلكترونية

الأحد، 20 فبراير، 2011

بداية التدوين مع الثورة

كنت دائما متابع جيد لكل ما يكتب علي  المدونات ولكني لم اشعر أبدا بجدوى أن أقوم بالكتابة بنفسي لسبب واحد هو إنني كنت أشعر أن من يقومون بالكتابة علي المدونات بينفخوا في قربة مقطوعة و لكن لكي يخيب ظني القربة ما طلعتشي مقطوعة و لا حاجة  و الناس اللي وشها أزرق من النفخ (سواء بينفخوا في القربة سابقة الذكر أو أتنفخوا من الحكومة... سابقة الذكر أيضا) فقررت أنة في الفترة القادمة أبدأ أنفخ مع الناس أبدأ أتكلم مش حأكون سلبي و مش حاخف من البوليس و المعتقل خلاص البعبع بتاع التعذيب و الضرب طلع عادي يعني.... ما الناس أتسحلت في ميدان التحرير و بعد السحل قاموا ووقفوا رجالة قامتهم مفرودة و عالية يعني الضرب و الإهانة ما بتخوفش و لا حاجة اللي بيخوف الخوف نفسة الرعب اللي كبر جوانة  من حواديت أمنا الغولة اللي بتطلع للمواطنين في الأقسام و أمن الدولة ... بس خلاص إحنا كبرنا و تمينا سن الرشد من يوم 25 يناير و مابقيناش نخاف من أمنا الغولة و لا أمن الدولة و لا المخابرات و لا الرئيس .... إحنا كبرنا و العالم كلة شافنا كبار ....إحنا كبرنا و مافيش حد بعد ما بيكبر بيرجع يصغر تاني إحنا كبرنا و بالتبعية أنا كمان كبرت و حأتكلم ويا ريت كلنا نتكلم.

ليست هناك تعليقات:

إرسال تعليق